Free Web Hosting Provider - Web Hosting - E-commerce - High Speed Internet - Free Web Page
Search the Web

HOYGA SUGAANTA
Home Page | music | Photos | geeraar | milan

 


SACABADU MA QARIYAAN

Sacabadu ma qariyaan" waa maanso aan kaga jawaabay maanso la yidhaahdo "sooree Hadraawi"waa tii keentay inay curato silsila siinlay. Waxaa tiriyay Osmaan sool oo abwaanka caanka ah Maxamed Ibraahim warsame Hadraawi qoonsaday ka dib markii uu abwaanku taageeray mudaharaad ka dhacay magaalada burco oo ku saabsanaa xadhigii salaadiinta ee ka dhacay hargeeysa.SACABADU MA QARIYAAN SUBAXDII CADCEEDA? Waa silsilada maansadii labaad. Waxay tidhi:


Sacabbadu ma qariyaan
Subaxdii cadceedoo
Buuraha salkoodana
Sahal looma qaadee
SOOLOW abwaankii
Bulshada u sarreeyee
Taariikhda suganiyo
Sooyaalku qorayee

Hadba sagalka muuqdiyo
Sida ay hadhoow noqon
Saadaalin jirayee
Sahanka u ahaan jiray
Waadigan salooshee
Dambi sabab la'aaneed
U sudhaaya qoortee
Bal siduu u eegyahay
Anna aan sifeeyo

Safka faylasuufyada
Inta ugu sarraysee
Ugu siddata maantee
La saluugin weeyaan.
Dadku baadi-soociyo
Sumad male xagiisoo
Gidi waa u simanyiin
Meeluu salli u yaal
Ma siyaasadeeyoo

Sanqadhaad tilmaantiyo
Xurgufaha sokeeyaha
Nin ka soomay weeyaan
Danyartiyo saboolkuu
Saaxiib la yahayoo
Nin sarreeye gaasiyo
Laga dhigay sarkaaloo
Samo laga filaayoo
Waddadii saxnaydiyo
Surinkii ka leexdoo

Inta uu sardheer koray
Hadduu sooba degilaa
Loo hayn sallaanoo
Sigataye ma boodaa
Naftu siisay dhawr jeer
Nin u sacab tumaayoo
Runta beenta siistoo
La sumeeyo maahee
Subaxday siloontee
Adagyiin su'aaluu

Nin siraata weeyaan
Sidigteena maandeeq
Iyadoo sirgacantoo
Soofdaran habowdoo
Sebi deeqiwaydoo
Saranseer abaareed
Inta seeto lagu xidhay
Saxar goosanwaydoo
Hasha saamaheedaba
Rag inay ka saaraan
Sedex jeer mindiyihii
Soofaha u mariyeen
Isagaa ku selaloo

Saqdadhexe ku toosoo
Hurdo seexan waayoo
Suugaantu waa hube
Siinlay ka tiryoo
Iyadoo sarbeebuu
Ninka saafi karayaa
U degaa sirteedoo
Murtiduu sameeyaa
Sange weeye gaadhee
Maan garanin soolow

Saldhigaad ka duushiyo
Meeshaad ku socotoo
Tixdu sooryadiisiyo
Ma ahayn sedkiisoo
Annaa xaal ka siiyee
Saaxiib ogsoonow

gabayo qoraal ah